Related Posts with Thumbnails Eg er ein fivreld - www.fivreld.blogg.no

dag fire - sju

Dag fire

På torsdagen brukte eg mesteparten av tida til å merke kamera, objektiv og minnekort. Nei vent, eg brukte ikkje mesteparten av dagen på det. Eg brukte HEILE dagen min på det. Å skrive ned produktnamn, serienummer og alt det der. I tillegg så måtte eg merke minnekorta med nr, for så å føre det inn på pcen sida vi snart skal ha kontrollsjekk på alt utstyret. Drittjobb eigentlig. Men det gjekk jo veldig greit, godt å vere ferdig med det då. Etter jobb var Eyvind så snill at han hadde henta begge baggane mine, så tok fekk eg ...... endelig stridsvesten og feltuniformen. Dei har eg absolutt ikkje sakna, men eg fekk også nokre av dei sivile kleda mine. Eg og Eyvind hadde og feltrasjonfest på rommet til Lise om kvelden. Eg har fortsatt utrulig masse mat igjenn frå feltuka, så tenkte vi skulle ete opp litt av den.   Veldig lite spennande som skjedde den dagen eigentlig.

Dag fem

Siste jobbdag denne veka, og også slutt på arbeidsveka, det var deilig. Starta dagen med trening (fyfo), der vi blandt anna hadde sirkeltrening, samtidig som eg og Tor Ole hadde styretrening fordi vi var skada og ikkje kunne halde på med fotball på slutten. Kjennte det godt i beina og magen etterpå for å seie det sånn, så det må vell vere eit godt teikn. Sidan eg hadde fyfo i dag så begyndte eg ikkje på jobb før ca kvart over 10, som betyr superkort arbeidsdag. Gjekk utrulig raskt frå eg begyndte til det var lunsj, og etter lunsj reiste sjefen heim fordi han var sjuk. Dermed blei det kun meg og Andreas igjenn på kontoret, og til tider Thomas som sto leeenge og prata. Ca to timar etter at eg var ferdig med jobb skulle vi på velferdskinotur til Stokmarknes, som ligg mellom 1,5 og 2 timar unna med bil. Vi var så heldige å ha fått lånt minibuss og hadde også med oss ein superkoselig bussjåfør som hadde jobba i forsvaret sida 1969 trur eg, og som fortsatt jobba her. Vi var ikkje så altfor mange med på turen men vi var vell (Bussjåfør, Paasche, Thomsen, Kvilstad, Rausand, Kristiansen, Stene, Molland, Simen og herr Norstrand + meg), koselig gjeng uansett. Filmen vi såg var Johnny English Reborn, men før filmen måtte vi sjølvsagt kjøpe litt for mykje smågodt og eventyrbrus. Filmen skuffa ikkje den, men så hadde eg heller ikkje forventningar. På bussturen sovna både eg og Thomas som satt ved siden av meg, i tillegg til ein god del andre. Bussturen gjekk med andre ord ikkje så sakte. Når vi kom tilbake til leir var klokka over midnatt vertfall, så gjekk og la oss med ein gong.

Dag seks

Vakna fyrst klokka sju på min fyrste laurdag her på basen. Synest at klokka sju blei litt tidleg, så prøvde å sovne igjenn. Er sikkert på at eg vakna kvart tjuande minutt heilt til klokka var halv 11, då det var meininga at vi skulle ete frokost. Prøvde å banke på rommet til Lise men fekk ikkje svar, så blei til at eg blei ståandes i gangen og prate til klokka blei litt over 11, som tydeligvis var då frokosten slutta. Vi trudde nemmelig den stengte klokka 12, derfor blei det ingen frokost på oss. Men vi fannt ut at vi heller skulle bli med Molland, Lerbæk og herr Norstrand på fjelltur. Blei til at vi kjørte innom Rema for å kjøpe kvikklunsj og turmix før vi kjørte vidare til dit vi skulle begynne å gå. Når vi nesten hadde kome opp på toppen av den fyrste toppen fekk Lise problem med foten sidan ho har beinhinnebetendelse eller noko slikt. Uansett ikkje spessielt behagelig. Derfor bestemmte vi oss heller for å gå innom Arresten å ta oss ein øl, prioriteringar. Når vi då imidlertidig kom ned dit var det nokså fullt, så då blei det heller cafebesøk med softis, cookie & varm sjokolade etterfulgt av ein øl ein time seinare. Var utruleg koselig. Seinare på kvelden fannt vi sjølvsagt ut at vi måtte ta oss ein bytur. Hadde det veldig veldig koselig, men fekk i meg litt for mykje i tillegg til at noko anna dukka opp utover natta, så då reiste eg egentlig berre tilbake til basen. Men hadde det vertfall ganske bra. Og medan dei aller fleste i frykt ikkje ville sjekke nettbanken sin, så hadde eg heldigvis berre kjøpt 3 øl, men så skulle eg jo egentlig berre ha dei tre, men sånn gjekk det ikkje...

Dag sju

I dag var det mykje snakk om gårsdagens eventyr med frokost, så satt litt ekstra lenge berre for å få med meg alt som hadde skjedd etter at eg gjekk, var tydeligvis ein del, men det treng eg ikkje gå nærare inn på her og no. Dagen har eigentlig berre gått til å slappe av og sjå på film, så ikkje stort å seie eigentlig. No er eg uansett klar for andre jobbveke, sjølv om eg gjerne skulle ha hatt ein dag til med fri.  Over og ut

null ord

Skriv fine nye ord




Eg er Vingsoldat/Korporal Nordstrand, av og til meir kjent som Linda, Sunnmøringen, eller Fotograflærlingen. Eg er ei snart tjue år gammal jente i frå Volda, som no har busett seg i det glade Nord. Her skal eg fortsette å bu, i vertfall litt over eit år til. Du har no kome til ein nynorsk blogg som skriv om fotografi, forsvaret, alt det rare hjartet mitt bankar for, og ein gong i blandt om fivreld. Eg legg også ut mine eigne bilete i håp om litt konstruktiv kritikk. Min draum er å kunne leve av fotografi, gjerne også kombinert med musikk. Eg bur for augneblinken på Andøya i Nord-Noreg og trivast bedre enn nokon gong. For snart eit år sidan starta eg på mi fotografutdanning, i forsvaret. Eg kunne ikkje hatt det bedre.

Bloggen blir skriven av © Linda L. Nordstrand og er beskytta av lova om opphavsrett til åndsverk. Det betyr at du ikkje kan kopiere tekst, bilete eller anna innhald utan skriftleg tillatelse.

hits